وانتهى الفصل … الجديد …
Posted on: أكتوبر 21, 2008
لجميع متابعيي … شكراً لكم …
اليوم استلم عقلي زمام الأمر … وأصدر بأن لم يعد في أنس من احتمال …
يكفي (صباحٌ مهموم …) (سرقة فرحة حفلة التخرج) (سرقة فرحة قبولي في الماجستير الخاصة بالهندسة الطبية)
ربما ألمي الذي كان هو أنني (فوجئت بما حدث) (لم أكن رجلاً كفايةً لأنهي القصة بيدي … )
(أنهيتها اليوم … طويت آخر فصل … وكان الفصل الجديد الذي تحدثت عنه هو فصل النهاية …)
(حياةٌ أمامي … لأعيشها … لأبني مستقبلي … أمامي , دراسات عُليا … مهنة تحتاج كل دقيقة … تحتاج إخلاصاً …)
(لن أراها الخميس القادم … فلم تعد تستحق وخاصة أنها تتحدث بكل أنانية عن (خطبة) و (خطابين) و (نصيب) وإلى آخره من الأمور التي تعتبر (اليد التي توجعني))
هذا ما سطرته في آخر قصتي أنا …
مرتاحٌ أنا … الآن …
أنس
9 تعليقات إلى "وانتهى الفصل … الجديد …"
أكتوبر 22, 2008 في 1:25 ص
بتمنى منك تكون قوي وتضل ثابت على موقفك إلا إذا بدا شي فعلا جديد أنا من أول حكايتك ومن خلال المعطيات الي حكيتها عرفت نمط البنت الي بتحكي عنو هي ما بتستاهلك ومع إني ما بعرف شخصك الكريم بس هيك نوع من البنات بيتخلى عنك عند كل موقف بلا لك اياه
طبعا بجوز معلوماتي ناقصه هاد الي فمتو وبتمنالك التوفيق
ومتل ما بتقول التيتا … صاير تحت كل حجر في تلات بنات فلا يهمك الحلوين وبنات الأصول موجودين وبكترة
دمت بخير
أكتوبر 22, 2008 في 10:17 ص
شكراً كتير نجمة …
أنا هلأ أقوى من أي وقت مضى , رجعت مسكت نطاق الأمور والأمر بأيدي كلياً …
وأنا هلأ مرتاح جداً …
رح أرجع أنووس اللي ضحكتو ما بتفارقوا وفصولوا اللي ما بتنتهي …
الفترة قربتني لربّي كتير … صلحت كتير شغلات كنت غلطانها …
أكيد هلأ بلشت وبقوة …
رح أرجع علاقاتي مع كل رفقاتي وأوطد صداقاتي مع كل من أهملتوا …
محمد ماكس13
عزيزي … أنا هلأ الثابت لأنو أنا اللي قررت وماتركت غيري كل شوي يحكي شي …
شوي اي اوكي نضل … وشوي تانية , رح يجوا خطابين ورح اطلع عليهون واذا اجا نصيبي رح انخطب … هادا الحكي , سوري , بس ما بينحكى … وهاي هيي الايد اللي بتوجعني …
شكراً الكون نجمة وماكس وعذراً على العامية بدوري …
أنس
أكتوبر 22, 2008 في 11:04 م
..
آه أنس.
وكتر خير الله , وحمدلله إنك مرتاح.
–
تأرجح بين تعَ .. وبين روح . وياقلبي نوح .
أثق بأنك ستكون بخير , وينتهي كل السرد بسلام.
أكتوبر 22, 2008 في 11:42 م
بتعرف بتذكر أول أول ما بلشت بالتدوين قريت هيك تدوينة صغيرة قريتها شي عشر مرات قد ما حسيتها حلوة وبتناسبني 🙂 بتقول بما معناه أنو بنت كانت ماشية وزعلانة فجأة بتبتسم وبتصير دندن بغنية
أنا زهرة برية
أنا اسمي عزوبية
ما بدي إسوارة ..
إسوارة تحبس بإيدي
فيك تاخد الأمر من هالناحية .. خليك حر هلأ .. خليك مرتاح
وهاد المهم 🙂
أكتوبر 23, 2008 في 9:53 ص
نورة الغائبة من فترة …
الحمدلله , الأعراض الانسحابية موجودة أكيد …
ولكن في طريقها للزوال وكل يوم أحسن وأفضل من الأيام السابقة …
الحمدلله …
القصة انتهت ورح أرجع أركز عنكهة فيروز والأقسام الباقية …
رح ضل اكتب شو الشغلات اللي حابب اشاركها معكم …
فتووشة الذكية 🙂
حلوة كتير … بكرة بس انزل عالشارع , رح دندن (أنا زهرة برية , انا اسمي عزوبية 🙂 🙂 )
أكيد فتوشة , القصة انتهت بس نحنا بلشنا والعمر طويل ولسا بكير عهيك شغلات بصراحة انا استعجلت شوي …
أهلين بجميع من قرأ وعلّق
أكتوبر 23, 2008 في 2:18 م
..
:$ .
حلوة أنا زهرة برية , مين مغنيها 🙂 مناسبة جداً للمقام.
والحمدلله :$ .
نوفمبر 21, 2008 في 2:21 ص
حرية .. تشعر بأن كل اوكسجين الدنيا يدخل رئتيك
اليوم الثاني يهرب الاوكسجين ونكاد نختنق
أنس لن اخبرك ماعليك فعله
لكت لاتهدم الجسر دعه معلق ربما تعيد الرياح خطوات الراحلين
تشبث بتفاصيل الذاكرة .. وثبت عينيك على المستقبل
بقليلٍ مِن ... تستطيع ... 
أكتوبر 22, 2008 في 12:25 ص
سبقت كتابتي هي كتابات كتيرة بالفصحى .. واستأذنتك بسطر أو تنين لإحكي بالعامي .. بس هلأ كل شي رح اكتبو بالعامي ..
على كلمتك مرتاح .. ريحتني كتير أنس .. فرحتلك بعد شوية زعل عالوقت مو أكتر .. أوعا تقول ياريت .. كل شي ماشي وما خسرت شي .. فترة عشتا وفيك تمحيها متل ما محاها غيرك بسهولة .. وتعلم لأنو كل شي بهالحياة درس لإلنا ..
هي الدنيى .. هيك منحب ومنضحي لنلاقي الطرف التاني بـعـيـد ..
بس ربك موجود وبإذن الله ما بينساك .. الله يوفقك بحياتك ويجعل دربك كلو نجاح .. إدامك المشوار طويل .. وإنت ما ردت ولا نويت إلا الخير فبإذن الله ربنا معك لهيك كون معو وتقرب لإلو اكتر وأكتر .. خليك أنس اللي بعرفو .. المؤمن .. المبتهج .. صاحب الإبتسامة العجيبة هديك .. ربي يسر ..
وعلى طرف : هي مالا آخر قصتك .. هي البداية أنس ..
وتذكر دائماً دائماً الإبتسامة و :
نجمة ..