هيك شيخي قلّي !!!
Posted on: مارس 30, 2009
بعد غياب فترة لا بأس بها عن التدوين وعن أصدقائي المدونين ولا مانع إلا الخير والإنشغال الSuper …
أريد منكم يا أصدقاء أن تتخيلوا معي الموقف التالي في الساعة الثانية بعد منتصف الليل, الشوارع مقفرة إلا من أحدهم أضاع سيارته السوداء, توقعت له الخرف في عمره الكبير ولكنه كان محقاً أغلب الظن فكان يبحث عن سيارته بلهفة وسوداء ينادي !!
وبعد الأحاديث الكثيرة عن حلب وتوأمتها شيكاغو في الحوادث الأخيرة من سرقات مسلحة وعمليات قتل, أشرت لأول وسيلة تقلني …
استعنت بالله على هذه الليلة …
سبحان الله لبعضهم سحنة (غير مطمئنة بأي شكل من الأشكال), بادرني بالسؤال” أستاذ, شو بتدرس حظرتك؟” “مهندس” ” مهندس شو أستاذ؟” “مهندس كمبيوتر” “شغلتك فاظية!!!” طبعاً أنا هنا نظرت له من الأعلى للأسفل ومن اليمين لليسار, واستعنت بالله من جديد …
عاود الحوار قائلاً “بدي مهندس أرض أو بيفهم بالأرض ابن عمّي” وطبعاً تبعاً للعلاقة التي تربطنا ل7 دقائق خلت, أصبحت ابن عمه والله اعلم في نهاية الطريق ما سأكون؟!
“ابن عمّي, أنت مهندس وبتفهم أكيد” بلهجة شبه متهكمة ومحاولة منه لاستنهاضي وردي بكلمات كـ”طبعاً, وشو رأيك أنت, وبفهم أحسن من كل مهندسي البلد” وإلى آخره من العبارات الكلاسيكية في استنهاض الهمم وإعلاء مستويات الادرينالين في الدم, رددت قائلاً “لا والله يا معلم ما ضروري…”
وساد الصمت بيننا تخترقه زقزقة عجلات سيارته التي تراوح يمنة ويسرة وظناً بأنها أخذت من كحوليات منتصف الليل ما يكفي لطرحها ولكنها تودّ المسير ثابتةً وربما “ابن عمّي السائق” شاركها في بعض هذه الكحوليات !!!
لم يستسلم بعد كل هذه البدايات الغير موفقة لبدء الحديث وقرر صاحبنا أن يدخل فيه مباشرة فالسؤال أتعب عقله بحثاً عن إجابات تشفي غليله, ” ابن عمّي هلأ هلأ معقول بيقدروا يحفروا الأرض بسنتين” نظرت له “اي, ليش؟” قال “الروس عم يقولوا حفروها ووصلوا لجهنم” أردف قائلاً بعد تفكير عميق مصطنع “أصلاً شيخي قاللي “البني آدمين اللي عم يحترقوا بجهنم في وحدة بيناتهون مرة (امرأة) بتصيح مرتين وبينهم واحد عم يحكي بلغة أجنبية, والله يا ابن عمي سمعتهم, هيك شيخي قلّي””
“حسبي الله ونعم الوكيل, أخي بس ترجع على البيت ادخل عالحمام وشغل الصوبيا وافلت عليها المازوت, بتسمع صوت عالم عم تصيح وركز يمكن تطلع نفس المرة (الامرأة) وصاحبك اللي بيحكي بلغة أجنبية” في هذه اللحظة علا الحماس وجهه وجسمه والمقود وأكاد أقول السيارة “ليش شيخي ليحكي هيك؟ شو مصلحته شيخي؟” رددت ” شو بيعرفني؟ ضروري كل شي بيحكيه يكون صح؟” “اي والله يا ابن عمي, هداك اليوم (انا هنا قلت في نفسي حسبي الله ونعم الوكيل دخلنا بالسيّر وسيّر السائقين أنتم أعلم بها) كنت قاعد مع الوالدة, الله يخليلك والدتك, قلتلها يوم (يوم: هي كلمة تعبر عن الأم في لهجة أهالي حلب) معقول يوصلوا للكهوف النارية بنص الأرض وما تحترق المسجلة اللي سجلوا فيها الأصوات” عندما ذكر المسجلة لم استطع منع الضحكة من الافلات مني بل ومتدت إلى قهقهة وأعتقد أنها عكرت صفو من يتحدث عنهم ومن سُجلت أصواتهم …
بصراحة وبعد وصولي للبيت, ظل موضوع المسجلة يشغل تفكيري للحظة التي كتبت بها هذه التدوينة!
جد, كيف قدروا يسجلوا الصوت وما ذابت أو احترقت المسجلة 🙂 بس ما بيهم, هيك شيخه قلّه !!!
أنس
7 تعليقات إلى "هيك شيخي قلّي !!!"
مارس 30, 2009 في 8:36 م
سمعتُ هذه القصة من أبي أن أحد الشيوخ أتى بمسجلة ليُسمعَ الحاضرين أصوات المحترقين في جهنم بعد أن حفروا الأرض وصلوا لها ..
شخصياً لا أصدق هذا الكلام نهائيـــــــــــــاً ..
الله يهدينا أجمعين
مارس 31, 2009 في 6:55 ص
شيوخ اخر زمن..ياستر الله …
بكرة بيطلعولنا بصور المحترقين وشي شيخ الله فاتح عليه بيطلعلنا بشي صوت من الجنة..شو بس اهل جهنم !!!….
استغفر الله العظيم واتوب اليه..يعني تمنيت اني شوفو لــ ابن العم هاد يا انوس لحتى اسئلو..طيب ما انتبهتلي هالمرا يلي صرخت ازا بتعرفها او لاء؟؟
رحمال يارب العباد..
لك تحياتي ..
مارس 31, 2009 في 10:43 م
🙂
شيخي قال لي ان لدى انس تدوينة جديدة…
لست من العلماء و لا ممن يحق لهم الافتاء… لكن ما اعرفه بحقيقة بسيطة هي ان الله تعالى الذي فرض الفروض، هو الله تعالى الذي انزل الكتاب بالحق و الميزان… و هو نفسه الحق الذي ضبط قوانين الكون و نظمها ضمن ما نعرف منه نزراً يسيراً نسميه -جزافاً- العلم…
و بناءً عليه، لن يتحدانا الله تعالى بان يرهق عقولنا بآيات لا تنسجم مع سياق الكون…
كل ما يبدو كشذوذ ليس الا غيهباً لم يفتح الله تعالى فتوحه بعد…
اما الغيب، فلن يزال حتى ان يشاء الله غيباً…
أفريل 1, 2009 في 3:00 ص
شكراً لأصدقائي 🙂 …
الموضوع عفكرة كثير خطير بس كمان في أمل, الشعب عم يفكر, ما عم ينقاد الانقياد الأعمى !!
ماكس13
كلنا الأمل وعندي إيمان كثير كثير كبير فينا كلنا …
ماريا
صديقتي, شو هالشيخ اللي عندك !!!
اختصرتي ببساطة, نظرتي للغيبيات …
شكراً لمرورك الذي أُسعد بهِ …
الدمشقي
بالضبط يا صديقي, تعا بقى تخيل الشيخ شو حاكي وناسج قصص بناءاً عهل الخبر …
الله يهدينا جميعاً , سمعونا الآمين 🙂
رنا,
أصبح لديكي سبب جديد لعدم تصديق القصة 🙂 كيف ما احترقت المسجلة D:
أهلاً بك دوماً هنا صديقتي …
غابرييل,
ياسيدي الكريم, نعشنا من زمان مدقوق وماعد في مكان لمسامير جديدة !!!
بس هذا الواقع واستغلال كامل للبسطاء من أمثال (ابن عمي السائق 🙂 )
جوان 28, 2011 في 1:59 ص
يا الله ..!!
اووووف هلقصة انتشرت عنا بلبلد كتير كمان
حتى انو عملوها شغلتهن الشاغلة
ويبعتوها بلوتوث علموبايلات …
وصارو يخوفو العاصي بلتسجيل الصوتي
والله العظيم بفقعو ضحك …مسجلة !!
طيب لكن قلي
ما سمعت بقصة الولد اللي عمرو بلاشهر وبعدو رضيع وما بيفهم بشي
وطلع علتلفزيون آل يحكي للناس عن السنوات القادمة شو بدو يصير فيها
ما شا الله كل يوم قصة مفبركة احلى من التانية ..!
لازم يعملو مجموعة قصص عالمية ..بالصور كمان مشان الإثبات
شي للجنان إيد بإيد ..
هبووش
بقليلٍ مِن ... تستطيع ... 
مارس 30, 2009 في 5:19 م
ايحق لنا ان نتعجب لما يتم ادراجنا في قائمة بلدان العالم الثالث !!
هل يعلم السائق ان ” شيخه ” ورفاقه بتعاليمهم الخزعبلية يدقون النعش في أملنا بالتطور والانفتاح الفكري ؟
كلماتك ازعجتني بمقدار استمتاعي بها