مع لفتاتٍ من ماضي عتيق …
Posted on: أفريل 2, 2009
سُعدت ليلة أمس, بحفلة احتفاءاً بعرس صديقٍ لي. كنت مستمتعاً جداً بتفاصيلها التي لم يغفل أصحابها عنها, لن أطيل حديثي وسأترككم مع لفتاتٍ من ماضي عتيق في غمرة أجوائنا المزدحمة …
من منّا لا يحب المولويّة؟
مشاهدتهم على التلفاز شيء اعتدته, أمامي كانوا شيئاً آخر تماماً, بقيت مشدوهاً أغلب الفقرة التي قدموها …
فرقة السيف والترس, تقليدية جداً وفكرة اعتدناها عند افتتاح أي (محل حابب يشمس الحارة) …
لكن أن يشاركوا برقصاتنا على قدودٍ حلبية وصدحات لأغاني ملحم بركات, فكانت سابقة جديدة وجميلة أداءاً …
ولابد من مبارزات حامية بالسيف والترس, أمرٌ لا مفرّ منه … والطريف أن يشارك (سبعيني) بهذه المبارزات وكلنا أيدينا على قلوبنا من وقوعه في ساحة (المعركة) متأثراً بأزمة قلبية !!!
عالهامش: هناك عرفٌ (لم أهضمه منذ بدأت حضور هكذا حفلات) وهوَ أن يتم (تلبيس العريس أمام محبيه وعلى الكاميرات بشكل مباشرLIVE), لا أتوقع لنفسي هذا الموقف !!! أقوم باستبدال لباسي والجميع يبتسم ببلاهة متأملاً إيايَّ!!!
12 تعليق إلى "مع لفتاتٍ من ماضي عتيق …"
أفريل 2, 2009 في 2:24 م
العراضة والميلوية أحلى شي بالعرس .. يعني بيعطو جو قديم ..
أضحكني موضوع التلبيسة عندما قرأته هنا .. أمرك لالله هيك العادات
عقبال العزابية
أفريل 2, 2009 في 4:23 م
صح يا فرح, أما شو أكشن غير شكل …
استعراضاتهم رائعة جداً ورقصهم حلو كثير … بيعطوا نكهة كثير حلوة عالعرس …
المولوية, هاي أول مرة بشوفهم قدامي بشكل مباشر, بياخدوا العقل بصراحة …
شكراً فرح وعقبال عرسك وتجيبوا سيف وترس (بناتية) وكمان مولوية (بناتية) … (وش خطرتلوا فكرة تجارية جديدة :)) )
أفريل 2, 2009 في 4:32 م
موضوع التلبيسة يا رنا, ما قدرت أهضمه بأي شكل من الأشكال …
والعريس بيكون مبتسم بنفس الابتسامة اللي حكيت عنها !!!
بتوقع بيكون من العبطة مو حاسس اش عم بيصير!!!
لسا في شغلة كمان من تقاليد التلبيسة,هي انه المحبين أعلاه, بيكونوا ماسكين بأيديهم ابر ودبابيس وبيبلشوا (وخز) بالعريس !!!
ومشان العادات 😦 الله بيعين …
وآمين عدعوتك 🙂
أفريل 2, 2009 في 8:00 م
ذكرتني بالتلبيسة الشامية التي تحدثت عنها الكاتبة سهام ترجمان في كتابها يا مال الشام أضحكتني كثيراً عندما وصفت خجله و موضوع الدبابيس مذكور أيضاً هناك ..
اسمح لي بأن أنقل بضعاً من السطور 🙂 / مشان تكمل يعني /
العريس فقد دخل رأسا من الباب الى القاعة الكبيرة في بيت عمّه وكانت تعجّ بشباب الحارة وأولاد عم العريس الشباب .
أما ((الكبارية)) ((المقدّرين)) من الأقارب والضّيوف جلسوا في صدر اللّيوان وقريبا منهم جلس ((الموالدية)) المنشدون المدعوون لقراءة ((مولد النبي)).
دخل العريس للقاعة ليرتدي ملابسه وكانت ((بقجة)) ملابسه بيضاء ومطرّزة وفتحها الشباب وكان كل ما فيها جديد… وقبل أن يرتدي العريس ملابس العرس بدأ الشباب بالعراضة …
ووقف العريس تختلط ابتسامة السعادة بعرق الخجل وسط عراضة الشّبان:
صلّوا على محمد ونير وأغضير وعادنا وهيهه وما شاءالله …
واكبد الكل بيعرف كمالة العراضة ..
اشتقت لكتاب يامال الشام الذي تحدثت عنه كثيراً ولكن للأسف ليس في مدونتي
وأكيد التعليق رح يطلع بالسبام شو بدي ساوي ؟؟؟ حظ!
أفريل 3, 2009 في 12:59 ص
هل المرة ما طلع التعليق سبام … ما عم اعرفه للتعليق D: …
بالنسبة للكتاب مبين عليه رائع, رح حاول أدبره واقرأه أو تدبريلنا ياه رنا …
وأكيد هالقصص لما بتشوفيها مباشر بتكون الها نكهة ثانية تمام …
أما شو نكهة … شي رواء كثير …
طيب بدي منكون تحكونا عن عرس النساء, عنا عند الرجال هذا العرف, أما عندكون بأعراسكون شو بيصير؟
عفكرة, ماشفت بنت بتنبسط بعرس نسوان, وخاصة من (النساء الباحثات عن خطبة لأبنائهن!!!!) …
أفريل 3, 2009 في 7:14 م
عرس مبارك ارجو ان تكون استمتعت انس شكرا للتصوير وكأننا كنا معك صور معبره وجميلة
أفريل 3, 2009 في 9:30 م
it has been along time since u posted anything … nice 2 hear from u
mabrook 4 yr friend 🙂
أفريل 3, 2009 في 11:34 م
شكراً حسام … استمتاع واضح كان 🙂 …
مروى, حقك علي 😦 … بس رح أحاول أكون على تنظيم واضح بخصوص التدوين 🙂
شكراً على المباركة وعقبالكون 🙂
أفريل 4, 2009 في 12:56 ص
أنــس ,
في كتاب يا مال الشام تكلمت الكاتبة عن / عرس النسوان / بطريقة جميلة جدّاً ..
لكن عرس أيام زمان غير عرس هالأيام !!
خلّي الطابق مستور و بلا هالحكاية , العراضة أحلى شي بالعرس ؛)
بعرس النسوان في / ميلوية / بس من نوع تاني وبتشتغل الأتلة كمان بطرق متعددة
خليني ساكتة 🙂
بس طبعاً هالشي ببعض الأعراس مو كلها ..
أفريل 4, 2009 في 1:12 ص
:] … متوقع هالشي!!! من الحكي اللي بسمعه من الصديقات والحسد اللي بناكله في الأعراس الرجالية!!!
قولتك الطابق المستور منيح بهيك قصص 🙂 …
أفريل 4, 2009 في 3:14 م
نحن بعاداتنا تختلف عن عادات اهل حلب … وببعض الاعراس الحلبية اللي حضرتها كانت شغلة تلبيس العريس لايف اكتر شغلة لفتت نظري
لسا كلو كوم وحمام العريس كوم … فلم رعب للعريس !!
بقليلٍ مِن ... تستطيع ... 
أفريل 2, 2009 في 1:41 م
يا الله يا أنس .. ما بتعرف اديه بتمنى أني احضر عرس رجالي .. وشوف السيف والترس وشلون عم يعملوا العراضة .. كتير بحبن بحس في أكشن
وقت عرس أخي ما تفرجت على الفيديو غير على هدول عدتن شي تلت مرات هههه
الميلولي مرة شفتو بالشام القديمة .. كانوا بياخدوا العقل .. فكرة التوازن تبعهم … وقدرتهم عنجد شي خيالي .. بتوقعهم بيدربوا من وقت ما بكونوا صغار ..
شكراً أنس وعقبال عرسك يا رب :):):)