إنّك إنسان ..
Posted on: جوان 1, 2009
اقترب منه وهو يمسح الغبار عن الأرض بمقشته العتيقة ..
الشمس تنال من جبينه .. وتأففات الجوار من الغبار الصاعد تؤذي سمعه ..
قالها “يعطيك العافية عمّو ..” وبكل بساطة أكمل الطريق ..
نظر العجوز والفرح يعلوه “الله يعافيك يارب ..” واتبعها بدعوات من القلب ..
ملئت الغبطة قلبه وهو يبتعد .. مع دمعة صغيرة على القسوة التي علت قلب البشر ..
ما رأيك أن تكون كذلك الشاب؟ لن تخسر إلا كلمات وستشعر بالغبطة باقي اليوم .. وشعور يعتريك غريب .. إنك إنسان ..
أنس
21 تعليق to "إنّك إنسان .."
جوان 2, 2009 في 12:10 ص
ياريت ياريت كتير يكون كل ابن آدم إنسان، لكن و يا أسفا نحن في زمن الأخ ينهش أخاه، الحسد و الغيرة و الأحقاد تملأ القلوب، الكل يركض نحو المادة…
تموت شيئا فشيئا القيم الإنسانية.
تحية أنس
ليش يا حسرة ضل في قيم انسانية ؟؟
الزلمة تفاجئ انو حدا قاله الله يعطيك العافية .. 😦 .. يا عيب الشوم بس
تحياتي الك عزيزي سلام
جوان 2, 2009 في 9:55 ص
كلمة صغيرة ممكن تسعد إنسان وتجبر بخاطره ..
يمكن متل ما قال سلام ما بقا في قيم إنسانية و إن وجدت تكون قليلة ..
تحيـــة
كلمة الله يعطيك العافية شو ممكن تكلفنا؟
بس هلأ كل شي محسوب ..
تحياتي إلك رنا 🙂
جوان 2, 2009 في 10:26 ص
كنت كل ما أعمل هيك بالابتدائي رفقاتي يضحكوا عليّ ولهلاء .. !
ما بيهم المهم شوف بسمة … 🙂
جوان 2, 2009 في 2:10 م
قرات الموضوع بس مش هو اللي خلاني علق, التعليقات صدمتني, وبصراحه اكثر بكتني يعني ما كنت متصوره انه قول الله يعطيك العافيه لانسان فقير واحترامه على مهنته انجاز انساني, لاء وبيتضحكوا على فرح اذا عملت هيك, لاء وسلام ورنوش بيتحسروا انه حتى هيك ما بقا فيه لانه الانسانيه ماتت…
اللي بكاني انه لنفترض انه انسان فقير كان بدو مساعده ماديه لانه ابنه مريض, او انسان بدوا من وقتك او علمك او خبرتك او نصيحتك وهو بحاجه جديه لالك شو بيصير فيه..
معقول انه مجتمعنا هلقد صار مادي واستهلاكي هلقد ماتت الانسانيه فيهون وللي بيكون انساني حتى بالبديهات صار ضد التيار…
ما كنت بعرف انه لهل درجه صار مجتمعنا مريض, وما بعرف بواسي حالي او بواسيكون, اللي قراته مفجع بكل المقاييس.
يعطيك العافيه انس..
يعطيك العافيه..
أهلاً جنين ..
للأسف الشديد هذا الواقع الحالي ..
شو ممكن نعمل؟
انو نتصرف بانسانية عسى يتطبق مبدأ ال20\80 .. عسى ..
تحياتي لمرورك صديقتي
جوان 2, 2009 في 5:52 م
“بدايةٌ موفقة أتمناها للإنسان الذي يسكنني …”..
فش عندي تعليق عالموضوع هيدا.. بس حبيت زكرك خيّو..
أنو ما احتفلنا بسنوية مدوّنتك.. صار عمرها سنة وشكلك طنشت ورحت عم تكتب مواضيع عاطفية عشان الناس ما تاخدش بالها من الكيكة..
رحت بالكيكة فين يا يوب.. اطلاع فيها أحسنلك..
“لاحظ دمج اللهجات انت بس” 🙂
شكراً عزيزي وصديقي نايثن ..
سنوية المدونة 🙂 والله صارلها 🙂 ..
شايف بالله نظرية المؤامرة .. ولعيناك أحلى كيكة 🙂 ..
شكراً مرة ثانية عاللفتة اللطيفة وعلى سلطة اللهجات
جوان 2, 2009 في 6:35 م
جنين ..
لا تتفاجأي فكثر من هم في مجتمعنا يستعبدون الأقل منهم بأي درجة كانت بالمادة أو الثقافة أو الحالة الاجتماعية ..
يعني ممكن نحنا كأشخاص نتعرض لابتزاز من بعض الناس يلي بينظروا لغيرون نظرة دونية ..
بس اكيد كلمة يعطيك العافية أو عيدية صغيرة لشخص محتاج ما بتحتاج جهد كبير
أنا مو ضد التيار والحمدلله يلي نحنا مسلمين لأنو أخلاقنا بتمنعنا نتعامل باحتقار مع الناس ..
اوافق رنا وللأسف انه هذا حال مجتمعنا ..
يمكن السبب هو الأوضاع الاقتصادية السيئة اللي بتنمّي الأنانية ..
مع أنه لازم تخلينا نحس بالأقل مننا ..
بس لأ …
عم نكون أنانيين بطريقة مو معقولة ..
تحياتي لمرورك رنا 🙂
جوان 4, 2009 في 12:56 ص
انس
لا تستغرب ان اخبرتك ان احد عاملي النظافة الذين كانو يعملون بضمير كان يمضي كثير من صباحاته يشاركنا الفطور
فقط من يعملون بضمير .. وكان له نصيب من الكلمة الحلوة والإحترام وحتى العيدية
دمت
بكل بساط .. إنه شخص يعمل بإخلاص فهو شخص يستحق .. وهو إنسان .. عمله لا ينقص من قدره أبداً, أليس كذلك؟
تحياتي لك عزيزي 🙂
[…] إنّك إنسان .. […]
بقليلٍ مِن ... تستطيع ... 
جوان 2, 2009 في 12:02 ص
لفتة لطيفة جدا أنس . . أحييك عليها.
جوان 2, 2009 في 12:04 ص
الشعور اللي اعتراني اليوم يا عبد .. لا يتخيل .. حبيت شارككون ياه 🙂 ..
جربوه 🙂 وشوفوا تأثير الفراشة 🙂