بقليلٍ مِن … تستطيع …

التصرف الإنساني لا حدود له ..

فعلٌ بسيط .. فقط.. يجعلك تعبق إنسانيةً ..

وكما يقول صديقي باسل:

“وقت كنت أطلع بالباص ..كنت أضيف الشوفير دروبسة

وأحيانا وقت كنت أمر من جنب شرطي _ وطبعا نحن عنا الشرطي مكروه _ كنت كمان أضيفو دروبسة

بتعرف …عنا بالحارة عامل نظافة مرة مديت ايدي أصافحو .. قللي معلش والله ايدي متوسخة من الشغل ..قلتلو لأ معلش بدي صافحك …بس بتعرف ليش بحب صافحو؟؟؟؟؟

لأنو مرة شفتو بعد صلاة الجمعة عم يتبرع لإنشاء مسجد

هي الإيد يللي قللي أنو هي متوسخة ..أنا بعتبرها أنضف ايد بالعالم”

جرب أن تقوم بحمل القليل من السكاكر معك ..

قم بإعطاء سائق الميكرو إحداها .. ومرر الأخريات للركاب الآخرين ..أشعر بأنك إنسان ..

قم بإعطاء شرطي مرور .. حلوى وأرفقها بـ”الله يعطيك العافية” .. ستدمع عيناه .. ورأيت الدمعة تسيل ..

..

لن أعلّق على عامل النظافة .. ببساطة .. أقف إجلالاً وبابتسامة لكل عامل نظافة ..

طوبى .. طوبى .. طوبى .. لمن كان يومه هكذا .. طوبى للإنسان ..

دمتم بخير .. وأكثر ..

أنس

تشتهر حلب أيضاً خلال رمضانها , بحلوى تدعي غزل البنات …

غزل البنات هو عبارة عن سكر يسخّن بطريقة خاصة ومن ثم يتم حشيه إما بالفستق الحلبي أو بالكاجو مع | بلا قشطة … حسب الطلب …

له شكلان , شكل مفتوح ويظهر منه الفستق , والآخر مغطى …

في رمضان تزدهر هذه الحلوى بدرجة كبيرة جداً , وتتحول الكثير من المحلات الخاصة بالوجبات السريعة أو بالعصائر لمحلات بيع غزل البنات …

يرواح سعر الكيلو غرام الواحد من غزل البنات بالفستق لل(450 ل.س | 9 دولارات) …